വിശ്വാസം........

അവന്‍ നാലപതു വെള്ളിക്കാശുകൊടുത്ത് ഒരു ശിഷ്യനെ സിനിമകാണാന്‍ വിട്ടിട്ട്, അവന്റെ പിന്നാലെ നടന്നു.. സ്വര്‍ഗ്ഗത്തിന്റെ താക്കോല്‍ പത്രോസിനു കൊടുത്തപ്പോള്‍ അവനു ഒട്ടും അസൂയ തോന്നിയില്ലാ,
അവസാനം അവനെ കുരിശില്‍ തറച്ചപ്പോള്‍ അവന്‍ എല്ലാരെയും പോലെ അവനെ ഉപേഷിച്ചു പോയില്ലാ, കാത്തിരുന്നു..കൊടുങ്കാറ്റുകള്‍ക്ക് അവനെ പിന്തിരിപ്പിക്കാന്‍ പറ്റിയില്ലാ.. മൂന്നാം നാള്‍ അവന്‍ ഉയര്ത്തെണീറ്റപ്പോള്‍, അവന്‍ തൊഴുകൈകളോടെ നില്‍ക്കുന്നു...
"പ്രിയനേ നിനക്ക് എന്തു വരമാ ഞാന്‍ തരിക..". മഞ്ഞുപോലെ ആര്‍ദ്രമായ് അവനെ ആ വാക്കുകള്‍ പൊതിഞ്ഞു............."എനിക്ക് കാനായിലെ മന്ത്രം ഒന്നു പറഞ്ഞു തരുമോ..."?

എന്റെ ബൈബിള്‍..............

ആദിയില്‍ വചനമുണ്ടായ്.............. ബിഗ്ബാങ്ങ്, ദൈവം അമീബയെ സൃഷ്ടിച്ചു.. എന്നിട്ടു പറഞ്ഞു മോനേ അമീബേ, നമ്മുടെ ജാലി തീര്‍ന്നു.. ഇനി വേണേല്‍ നീ പരിണമിച്ചു ഏതു കോലം വേണമെങ്കിലും കെട്ടിക്കോ... അമീബ അതു കേട്ടു ദുഖിച്ചു, ആ ദുഖം അവനെ പിളര്‍ത്തി, വീണ്ടും ദുഖിച്ചു..... അങ്ങനെ ആദ്യത്തെ ജ്യോമട്രിക്ക് പ്രോഗ്രഷന്‍ ആരംഭിക്കുന്നു.....അനന്തരം ദൈവം പറഞ്ഞൂ... മകാനേ, നിനക്ക് കാലാകാലങ്ങളില്‍ വിവരം വെപ്പിക്കാന്‍ ഞാന്‍ ഓരോ പ്രവാചകന്മാരെ കീച്ചുന്നുണ്ട്...സോക്രട്ടീസ്സ് പുണ്യാളച്ചന്‍, ഗലീലിയോ, തുണിയില്ലാതോടുന്ന മഹാവീരന്‍- ആര്‍ക്കമിഡീസ്, തലയില്‍ വല്ലതും വീണാല്‍ മാത്രം ബോധം വരുന്ന ന്യൂട്ടണ്‍... ഒരുത്തനെ ചുട്ടുകരിക്കാന്‍ തരുന്നുണ്ട്.. ഓന്‍ വിവരക്കേടിന്റെ ആശാനാ, പരന്നിരിക്കുന്ന ഭൂമി ഉരുണ്ടതാന്നു ഓന്‍ പറയും പിടിച്ചു ചുട്ടുതിന്നോണം പഹയനെ...അവസാനം മനുഷ്യനെക്കൊണ്ട് പൊറുതി മുട്ടുമ്പോള്‍ ഒരു വിദ്വാനെ ഞാന്‍ അയക്കും... അവന്‍ അറ്റം എന്ന ബോണ്ടാ പിളര്‍ന്ന് അതില്‍ നിന്നും തീയുണ്ടാക്കി നിന്നെയൊക്കെ ചുട്ടുകരിക്കാന്‍ ആയുധം ഉണ്ടാക്കും ..!അന്തരം ദൈവം ചായ കുടിക്കാന്‍ പോയ്...

തലയും വാച്ചും........ കീച്ചും...!

എല്ലാത്തിനും കാരണം ആ പാഞ്ചാലിയാണു. ലവള്‍ ചുമ്മാ വൈകിട്ട് മരങ്ങള്‍ക്കിടയില്‍ ഈവനിങ്ങ് വാക്ക് നടത്തവേ അതു കണ്ടു മോഹിച്ച ജയദ്രഥന്‍ ,എന്തോ ഒരു ചിന്ന കമന്റ് ചൊല്ലിയാച്ച്, കണ്മണിയാള്‍ക്ക് അതു കൊഞ്ചം കൂടെ പുടിച്ചില്ലാ.... പാവം ജയദ്രഥനെ കെട്ടിയോനെ വിട്ട് പിടിപ്പിച്ച് തല മൊട്ടയടിച്ച് വിട്ടു.

ഇവന്മാരെന്താ ഇംഗ്ലീഷ് സ്കൂള്‍ നടത്തിയിരുന്നോ...........?
തിരിച്ചു ചെന്നാല്‍ ദുര്യോദനന്‍ അളിയന്‍ ഭക്ഷണം തരില്ലാന്നു കരുതി മുടി കിളിര്‍ക്കുന്നതു വരെ തപസ്സു നടത്തി വരം നേടാമെന്നു ജയദ്രഥന്‍ മൊട്ട വിചാരിച്ചു.
വരം കിട്ടി, യുദ്ധത്തില്‍ ഒരുത്തനെ പൂശാന്‍..!ചക്രവ്യൂഹത്തില്‍ പെടുത്തി അഭിമന്യൂവിനെ കൊന്ന്, ജയദ്രഥനും കൂട്ടരും പട്ടയടിക്കാന്‍ പോയ്..
"ഡാഡി'എന്നു വിളിക്കാന്‍ ഇനി മകന്‍ ഇല്ലല്ലോ എന്നോര്‍ത്ത് വിഷാദിച്ച അര്‍ജ്ജുനന്‍ മൂന്നു കുപ്പി കള്‍സ് നീറ്റായ് അകത്താക്കി, കലി മൂത്ത് സത്യപ്രതിഞാ ചടങ്ങ് സംഘടിപ്പിച്ചു.മകനെ തട്ടിയവനെ സൂര്യന്‍ അസ്തമിക്കുന്നതിനു മുന്നേ പൂശിക്കളയും, അല്ലങ്കില്‍ അങ്ങേര്‍ 'സൂയിസയിഡ്'ചെയ്യുമെന്നൊരു വിഡ്ഡിത്തം...ചങ്കിനിട്ടിടിയും നിലവിളിയുമായ് പ്രഖ്യാപിച്ചു.( കൗരവന്മാര്‍ പൂശിക്കളയുന്നതിനു മുന്നേ, ആത്മഹത്യചെയ്യ്‌തു മാനം രക്ഷിക്കാം എന്നൊരു കള്ളക്കണ്ണൂം അര്‍ജുനനു ഉണ്ടെന്ന് കൃഷ്ണനു മനസ്സിലായ്)

പിറ്റേന്ന് ജയദ്രഥനെ പൂഴ്ത്തിവെച്ച് യുദ്ധം ചെയ്യ്‌ത കൗരവര്‍ ...പാണ്ഡവരെ നാണം കെടുത്തി.
പാവം കൃഷ്ണന്‍ സൂര്യനെ മറക്കാന്‍ സുദര്‍ശന ചക്രം പായിച്ചു. പിന്നെ എല്ലാരുടേയും കണ്ണുകെട്ടി മാജിക്ക് കാണിച്ച് സൂര്യനെ മറച്ചു.........
ഇനി അര്‍ജ്ജുനന്‍ ആത്മഹത്യ ചെയ്യണം എന്ന ആവശ്യവുമായ് ജയദ്രഥന്‍ പുറത്തു വന്നപ്പോള്‍ കൃഷ്ണന്‍ എല്ലാരുടേയും കെട്ടഴിച്ചൂ.. സൂര്യന്‍ യാതൊരു കൂസലുമില്ലാതെ ഉച്ചിയില്‍ കത്തി നില്‍ക്കുന്നു.......!
.അന്നാദ്യമായ് വാച്ചുകെട്ടാതെ യുദ്ധം ചെയ്യാന്‍ വന്ന ജയദ്രഥന്‍, അതിന്റെ വിലകൊടുത്തൂ.... സ്വന്തം തല...!

ഏറ്റവും വലിയ പഞ്ചാരയടി............

വായില്‍ പല്ലില്ലാത്ത കുറെ അപ്പൂപ്പന്മാരും കുറേ വായില്‍ നോക്കികളും പിന്നെ ഒരു സൊയമ്പന്‍ ചാന്തു പൊട്ടും(ലവനെ നമുക്ക് വരന്‍ എന്നു വിളിക്കാം തല്‍ക്കാലം) സ്വീകരണ മുറിയില്‍ കൊത്തിപ്പറിക്കാന്‍ കാത്തിരിക്കേ, അവള്‍ ഈ മഹാന്മാര്‍ക്ക് ചായയും ചുണ്ടില്‍ ലിപ്റ്റിക്കിന്‍ ചിരിയും പരത്തി വരുന്നു. കഴുകന്‍ കണ്ണുകള്‍ ആര്‍ത്തിയോടെ അവളെ ആക്രമിക്കുന്നു.ഇര ഓരോ കൊത്തും നന്നായ് അറിയുന്നു, അതില്‍ പിടയുന്നു എന്നാലും അവള്‍ ചിരിച്ചു നിന്നെ പറ്റൂ, മുന്നില്‍ ഭാവി വരനാണു, അവനെ സുഖിപ്പിച്ചേ പറ്റൂ, ഇല്ലെങ്കില്‍ കിളവന്മാര്‍ പറയും "അടക്കമൊതുക്കമില്ലാത്തവള്‍, കുടുംബത്തിനു പറ്റാത്തവള്‍, ലവളെ നമുക്കു വേണ്ടടേ" ന്ന്.എന്തേ ഈ നീച കൃത്യം ആരും അപലപിക്കാത്തത്...........? വിവരമുള്ള പെങ്കൊച്ചുങ്ങള്‍, നിങ്ങളുടെ എല്ലാ വല്യമ്മമാരുമായ് ചെറുക്കന്റെ വീട്ടിലെത്തി ആ പഹയനെ വിരട്ടണം.............:) ലവന്‍ മാത്രം അങ്ങനെ ഷൈന്‍ ചെയ്താല്‍ പോരല്ലോ.......!പെണ്ണൂകാണല്‍ എന്ന ഈ കൊത്തിപ്പറിക്കലിനെതിരെ ആരെങ്കിലും കേസ് കൊടുക്കുമോ? അഭിമാന ബോധമുള്ള പെണ്‍കുട്ടികള്‍ കേരളത്തില്‍ ഉണ്ടോ ആവോ?

പ്ലാവില.

മഞ്ഞ നിറത്തില്‍ നിലത്തുവീണുകിടക്കുന്ന പ്ലാവിലകള്‍, മരത്തിന്റെ കണ്ണീരിലകള്‍!പച്ചിലകള്‍ അവയെ നോക്കിച്ചിരിക്കുമ്പോള്‍ കുട്ടികള്‍ ആ പഴുത്ത പ്ലാവിലകള്‍ പെറുക്കിയെടുത്ത് തൊപ്പിയും അരപ്പട്ടയും ഉണ്ടാക്കി പോലീസാകും. കള്ളന്മാര്‍ക്ക് കള്ളത്തരമല്ലാതെ പ്രത്യേക അലങ്കാരങ്ങളൊന്നും അവശ്യമില്ലാത്തതിനാല്‍ എന്നെപ്പോലെയുള്ള തെമ്മാടികള്‍ ' ഇന്നാ പിടിച്ചോടാ പോലീസേ 'എന്ന മട്ടില്‍ ആ പോലീസിന്റെ മുന്നില്‍ക്കൂടി ഓടി നടക്കും.നല്ല കുത്തരിയുടെ കഞ്ഞിയും കണ്ണീമാങ്ങാ അച്ചാറും പര്‍പ്പടം ചുട്ടതും -ബൂര്‍ഷകള്‍ക്ക് ഒരു പയര്‍ തോരനും-കൂട്ടി കഞ്ഞികുടിക്കാനിരിക്കുമ്പോള്‍, ലവന്‍ അതാ ചുണ്ടും കോട്ടി മുന്നില്‍ ഇരിക്കുന്നു. അവന്റെ മുഖം ഒരു ഈര്‍ക്കിലി കൊണ്ട് കൂട്ടിക്കുത്തി വാല്‍ ഫ്രീയാക്കിയിട്ടാല്‍ നല്ലൊന്നാരം പ്രകൃതിയുടെ സ്പൂണായ്. കഞ്ഞി കോരിക്കുടിക്കുമ്പോള്‍ ഇലയില്‍ കടിച്ചാല്‍ പച്ച ചുവക്കാം:)ഹോ !ആശാ റാണി കയ്യില്‍ മയിലാഞ്ചിയിട്ടാല്‍ എന്താ ഭംഗി!എന്നു സിന്ധുവിന് അസൂയ, ഒരു പ്യാരിമുഠായ് കൊടുത്തപ്പോള്‍ ആ റാണി പറയാ,'മയിലാഞ്ചി അരക്കുമ്പോള്‍ പ്ലാവിലയുടെ ഞെട്ടും കൂട്ടി അരച്ചോന്നു.' ശോ' ഇതിനാണൊ ഒരു മുട്ടായി കളഞ്ഞതെന്നു ദീപയുടെ വിഷാദിക്കല്‍..:)

കാള വണ്ടി.

കഴുത്തില്‍ മണികെട്ടിയ രണ്ടു കാളകള്‍ , അവക്കു വെളുത്ത നിറവും മുഴുത്ത കൊമ്പും ഉണ്ടായിരുന്നു. കുന്നും പുറത്തേക്കുള്ള ചെമ്മണ്‍ പാതയിലൂടെ അവ വണ്ടിയും വലിച്ചുകൊണ്ട് താളാത്ത്മകമായ് കുതിക്കും. ഞങ്ങള്‍ കുട്ടികള്‍ സ്കൂളില്‍ നിന്നും വരുന്ന വഴി, കുന്നു കയറുന്ന കാളവണ്ടി തള്ളിക്കൊടുക്കും.. ചില വിരുതന്മാര്‍ പിന്നില്‍ ഞാന്നു കിടന്ന് യാത്ര ചെയ്യും... . എന്തൊരു വലിപ്പമാണു അതിന്റെ ചക്രത്തിനു?, ആ വീലിനു ചുറ്റും ഇരുമ്പു ചട്ട പതിച്ചിരിക്കും. അശോക ചക്രമാണു അതു കാണൂമ്പോള്‍ ആ ചെക്കനു തോന്നിയിരുന്നത്.റ്റാറിട്ട റോഡിലൂടെ കാളവണ്ടി ഓടുമ്പോള്‍, 'ടക് ടക്' എന്ന് കാതില്‍ വീഴുന്ന ശബ്ദം , അതു കേള്‍ക്കാന്‍ അവന്‍ കാളവണ്ടിക്കു പിന്നാലെ വേഗത്തില്‍ നടന്നിട്ടുണ്ട്. ഇടക്ക് ചാട്ടവാര്‍ കാറ്റില്‍ പുളയുന്ന നീറ്റല്‍, വേഗം കൂട്ടുന്ന കാളകള്‍..ഒരു ദിവസം അവന്‍ കണ്ടു കാളകളെ കാലു കെട്ടിയിട്ട് ലാടം തറക്കുന്നത്.... ആ ജീവികള്‍ക്ക് എന്തു മാത്രം വേദനിച്ചിരിക്കും......? കാലം മാറി ഇന്ന് മേഘങ്ങള്‍ക്കിടയിലൂടെ യാത്ര ചെയ്യുമ്പോഴും അയാള്‍ മനസ്സില്‍ സൂക്ഷിച്ചത്.... കാള വണ്ടിക്കു പിന്നില്‍ തൂങ്ങിയ ആ യാത്രയായിരുന്നു.......:)

ശാകുന്തളം.......................

"ചാച്ചിയേ...ശകുന്തളേച്ചിയേ... എന്തര് ഇരിപ്പാ, നേരം വെളുത്തിട്ടിതുവരെ ആട്ടിന്‍ കുട്ടി ദീര്‍ഘാപാംഗനു കാടിവെള്ളം കൊടുത്തിട്ടില്ലാ... ഓര്‍ക്കിഡ് വനജ്യോസ്നക്കു വെള്ളമൊഴിച്ചില്ലാ...ഒരു ചാന്വിലയും പിടിച്ച ങ്ങള് കുത്തിരുന്നോ..കണ്ണപ്പന്‍ കള്‍സ് അടിച്ചു വന്നു പറയണ ചീത്തയെല്ലാം കേട്ടോണം..."'പ്രണയ ലേഖനം എങ്ങനെ എഴുതണം വെറും ഡി.പി.യീ.പീയല്ലോ ഞാന്‍...' "ചാച്ചിയോടു ഞാന്‍ പറഞ്ഞതാ ആവശ്യമില്ലാത്ത അധിനിവേശത്തിനൊന്നും പോണ്ടാന്നു..ഇതേ ഇപ്പൊ 'ഇം പീരിയലിസം' ഇറക്കുമതി ചെയ്തേക്കണു.""എന്റെ പൊന്നു അനസൂയക്കുട്ടീ എനിക്കൊരു തെറ്റു പറ്റിപ്പോയാച്ചു. ഇന്നലെ ലവന്‍ ബൈക്കില്‍ രണ്ടുകൈയ്യും വിട്ടു പറത്തുന്ന കണ്ട്പ്പോ തൊടങ്ങിയ പൂതിയ!"."അതോണ്ടല്ലേ 'ഹൈഹീലിന്റെ' വള്ളിപൊട്ടി എന്നും പറഞ്ഞു ചേച്ചി അയാളെ തിരിഞ്ഞു തിരിഞ്ഞു ലൈന്‍ ആക്കിയേ.?" "..കൊച്ചു ഗള്ളീ നീ കൊള്ളാല്ലാ...!"അതോണ്‍ടല്ലേ എന്നെ പ്രിയം‌വദ എന്നു നാട്ടുകാരെകൊണ്ടു പറയിക്കുന്നെ....‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌---